اسلام آباد ۔24مئی (اے پی پی)قومی اسمبلی امریکی سکول اچ فائرنگ دے واقعے دی مذمت کریندے ہوئیں اینکوں دہشت گردی دا بدترین واقعہ قرار ڈتے تے متفقہ قرارداد دے ذریعے پاکستانی طالبہ سبیکا شیخ دی شہادت تے ودھ سارے ڈکھ تے انہاں دے لواحقین نال ہمدردی دا اظہار کیتا گے۔خمیس کوں قومی اسمبلی اچ پیپلز پارٹی دی شازیہ مری قرارداد پیش کیتی جو امریکی سکول اچ فائرنگ پاروں ڈاہ طالب علماں دیاں قیمتی جاناں دا ضیان تھے جڈاں جو پاکستانی طالبہ سبیکا شیخ وی شہید تھی گی اے جیں تے ایوان ودھ سارے ڈکھ دا اظاہر کریندے تے مرحومہ دے ٹبر تے پوری قوم انہاں دے ڈکھ اچ برابر دی شریک اے ۔اے ایوان فائرنگ دے ایں واقعے کوں دہشت گردی دا بدترین واقعہ قرار ڈیندے ۔قومی اسمبلی قرار داد دی منظوری ڈے ڈتی۔
مضمون کا ماخذ : دیگر کلیدی الفاظ
